醉雞卷

愛無骨落地，

愛做法簡單，

又愛啖啖肉，

可試試這醉雞卷呢！

 雞脾肉四隻去骨，

用適量海鹽醃雞脾肉後捲起，

在收口位以牙籤固定。

 薑片、蔥段爆香加水煮滾，

放入雞卷煮5分鐘，

熄火將雞卷留在鍋中，

焗20分鐘至熟，

取出放涼備用。

 將煮雞原湯加入紹興酒、魚露，香糟露 ，

加入杞子及紅棗調成汁，

將雞卷放入，

放雪櫃浸過夜，

取出切件。

潮式煮魚

潮式魚飯食得多，

早前睇到芝芝姐的潮式煮魚後好想即試，

翌日在魚檔前已有五、六位師奶在等買懵仔魚，

連續三天都要排住等....

真誇張！

今朝早見懵仔魚好新鮮，

買咗一片魚，

但無跟足所有配料，

只有魚、味菜、番茄、鮮支竹、芹菜、酸梅和薑絲，

印象中應有鮮冬菇、豆泡和紅椒，

本來魚塊要醃後先用油略炸，

為怕處理餘油，

改為先煎後煮！