蘿蔔泡菜燜牛肋條

不經不覺原來已做逃兵一段時間，

主要是懶蟲埋身，

有煮意，

但沒新意！



這道蘿蔔泡菜燜牛肋條是今天的晚餐，

今餐破例沒吃魚，

兩老少有的全盤掃清。

晨早一杯溫暖豆漿，

暖在心，

這碗自家豆漿找到兒時豆漿的滋味，

真材實料，

上環文咸西街口，

每天清晨一對夫婦風雨不改，

賣數小時，

淨豆漿.....

配油條或加雞蛋，

豐儉隨意！

洛神花果花

這杯茶的確是非一般的保健茶，

洛神花能降低血液中三酸甘油脂和護肝功效，

抗高血壓、平衡身體內的酸鹼值，

原來洛神花朵和葉片都帶酸，

不受蟲類和雀鳥喜愛，

抗病能力高，

所以不必噴灑農葯，

難得是非常便宜！

自問沒大吃大喝習慣，

進食高脂肪及高糖食物也不算過量，

竟然血液中三酸甘油脂含量高於理想水平，
唯有.......

南瓜忌廉濃湯

今天的午餐，

份量不多，

少吃多滋味嘛！

半個小南瓜、一罐忌廉雞湯，

20分鐘搞掂！

一碗濃湯加一包克力架餅，

滿足！

南瓜炆排骨

香港乃福地是無容置疑，

昨日下午五點前掛8號風球，

短短18小時已遠離香港，

強風祇掠過，

並沒有正面吹襲，

感恩!

上班的多享半日假，

記得以前每當颱風襲港，

提早下班的不一定是趕回家，

去看電影或過深圳消費的都有，

今天的上班一族對深圳的熱衷已大減，

有可能是近年消費實在不便宜吧! 

兩天的晚餐都是炆排骨，
一骨兩吃，
分別是炆南瓜和炆冬菇素雞，加碟青菜又一餐!

借油炒飯

習慣每個週末、週日午餐吃的都盡量簡單，

炒米粉是首選，

其次是炒飯，

說簡單好像也不太簡單呢！

其實嘴刁是自己，

不愛炒冷飯，

要的是新鮮飯，

不愛急凍青豆、粟米，

寧可用新鮮粟米，

這碟借油炒飯，
借的是一隻去骨雞腿的油，

先將雞腿煎至七成熟後切粒，

利用雞油爆香雞肉粒、洋蔥粒、甘荀粒、火腿粒或餐肉粒，
加入白米飯拌炒，

加少許鹽、糖、胡椒粉、魚露、蠔油和蔥粒，

完成！

食到天一半地一半，

食落肚有幾多？？

食乜？

壽桃牌兒童麵！

沙白冬瓜茸

我家平日除了鮮蝦外，

甚少吃貝殼類海鮮，

日前看到臺灣東森台『食在有健康』介紹這道冬瓜茸，

忍不住一試！

有何益處？

呵！呵！

節目看完片刻已忘掉，

就連正確的菜餚名字都忘了，

祇記得冬瓜去濕消水腫！

這三道菜是今天給老伴預祝父親節的晚餐，

今餐倆老撐檯腳，

簡簡單單，

明天寶貝兒子陪他看電影和晚飯！

香茅豆豉蒸魚

這道香茅豆豉蒸魚真不錯，

主要是將魚塊醃味後，

不直接放上碟蒸，

而是用一張錫紙包裹，

隔水蒸15分鐘，

這蒸魚方法保証原汁原味，

打開錫紙時也可聞到一陣陣香茅和豆豉香味呢 !

   a.    鯰魚兩塊解凍，吸乾水分，斜刀切細片，加少許橄欖油、鹽、粟粉、胡椒粉醃味備用

  b.    香茅兩枝、豆豉一湯匙、乾蔥3粒、蒜茸、薑絲、糖、紹酒各適量調成醬汁後拌入魚片，隔水蒸15分鐘。

同場加送小由離家出走照片一張

鮮茄炆牛肋條

年青時經常聽到長輩們掛在口邊的一句訓話是 ~

『食米唔知米貴』，

這句話已好久沒聽了，

亦不合時矣！

上星期買一斤番茄$9，

今日一斤$12，知價又如何？

承認香港人已被寵壞，

又要便宜又要新鮮，
可是，
人要順應環境，

今時今日大陸稍為出產較少的產品未必須要輸港，


反而不斷進口大量龍蝦、象拔蚌等....

或經港偷運貴價海鮮呢！

這鍋鮮茄牛肋條可分兩餐吃，

整鍋價錢也買不到半隻活雞呢！

腐乳炆雞（風水輪流轉）

在魚檔揀咗一條木棉魚｛大眼雞｝，

阿叔話條魚收70蚊，

嚇傻！

大眼雞竟然要賣到80蚊一斤！



條魚係買畀小由食，

貪佢容易揀骨，

試過買鯇魚腩，

食到有渣咁，唔咬唔吞！

腐乳炆雞

白菌鮮百合炒肉片

風水輪流轉有機白菌平過鮮百合

粒粒鳳梨果醬

逛超市見到鳳梨做特價，

好久、好久沒做果醬，

買一個回家玩玩無添加果醬 ~


試一次切粗粒，

效果也不錯！

生炆油魽魚頭

今晚食乜餸？

 食魚頭，

不過唔係蒸大魚頭，

而係油魽魚頭炆鮮支竹，

呢個超大油魽魚頭買$50蚊咋，

仲係一個魚頭可以分兩餐食，


買個大魚頭閒閒地都要$40幾喇! 

對比真係可以話抵食夾大件 !

超值！超值！

節瓜鮮支竹肉丸湯

嘻嘻 !

又食鮮支竹，

要清雪櫃冰格囉，

冰格塞到實一實，

每次打開都要慢動作.....

已多年無入戲院睇戲，

前幾日睇咗寫實中的寫實『桃姐』，

值得睇 !



戲中菜檔哥哥話：『揀節瓜要頭大尾大就靚 ! 』

最近節瓜唔合時，

頭細尾大 !

炒肉碎

倉底摷出碟炒肉碎照片，

究竟有乜東東，

忘記得一乾二淨，

老眼昏花兼矇查查，

除主角見到係免治豬肉，

配角韭菜花、紅椒絲，

其他一無所知？

料頭應該用乾蔥、蒜茸（靠估），

隱若見到數粒黑黑物體，

嘻嘻~~原來係豆豉 !

記得喇！

仲有櫻花蝦！

焗蘑菇三文魚

嘻嘻~~

唔覺唔覺煲蓮藕炆排骨已變成化石，

多謝白髮讚賞，

原來化石都好好味...

來　來　來

趕快換上另一道菜，

焗蘑菇三文魚。

簑衣丸

蒸蘿蔔糕剩下少許臘肉，

再放一段時間便可能變質，

不到三吋長的臘肉，

這少許真的是少許，

用作做簑衣丸最好不過，

材料簡單，

三條鯪魚脊、冬菇五隻、臘肉， 

以上材料切幼絲，

加入鹽、胡椒粉粟粉撻至起膠即可。

蓮藕炆排骨

電腦與人一齊怠工多時，

勉強可以話係無事忙，

理由查實係得一個“懶”字!


送上一道炆蓮藕，

恭祝大家年年都富有!